والدین ٻالاں کوں ہر واری پولیو توں بچاوݨ دے قطرے ضرور پلاون ،وفاقی وزیر صحت

اسلام آباد۔26مئی (اے پی پی):وفاقی وزیر صحت عبدالقادر پٹیل آکھیے پولیو وائرس دی ماحول اچ موجودگی ٻالاں دی صحت کیتے وݙا خطرہ اے ، والدین ہر واری ٻالاں کوں پولیو دے قطرے ضرور پلاون ۔ وزارت صحت توں جاری بیان موجب انہاں آکھیے پولیو دا کوئی علاج کائنی صرف ویکسین ہی ٻالاں کوں عمر بھر دا تحفظ ݙیندی اے ۔انہاں آکھیے ہنگو سودھے خیبر پختونخوا دے 22 اضلاع اچ 22 توں 26 مئی تئیں انسداد پولیو مہم جاری اے۔ انہاں والدین تے زور ݙتے جو او ٻالاں کوں پولیو توں بچاوݨ دے قطرے ضرور پلاون ۔ پاکستان پولیو پروگرام مسلسل وائرس دی تلاش اچ ہے اتے جتھاں پولیو وائرس دی موجودگی پاتی ڳئی ہووے اینکوں اتھائیں روکݨ دی مکمل صلاحیت رکھیندے ، ہنگو اچ وائرس دی تصدیق توں ایجھیاں آبادیاں دا پتہ لاوݨ اچ مدد ملسی جتھاں رہائشیاں دی قوت مدافعت گھٹ اے تے ایجھے علاقیں اچ پولیو اتے ٻئی ویکسینز دی فراہمی دا انتظام کیتا ویسی ۔ پاکستان اچ اڄوکے سال ہݨ تئیں صرف ھک پولیو کیس اتے 7 مثبت ماحولیاتی نمونے رپورٹ تھئن ۔

مضمون کا ماخذ : جڑواں اسپن

متعلقہ مضامین