وفاقی کابینہ دی توانائی بچت پلان تے عمل دی منظوری، شادی ہال رات 10 اتے بزار ساݙھے 8 وڄے بند تھیسن
APP34-030123
ISLAMABAD: January 03 – Prime Minister Shehbaz Sharif chairs a meeting of the Federal Cabinet. APP/TZD
اسلام آباد۔3جنوری(اے پی پی)وفاقی کابینہ توانائی بچت پلان تے عملدرآمد دی منظوری ݙتی اے جیندے بعد ملک اچ سارے شادی ہال رات 10 وڄے اتے بزار رات ساݙھے 8 وڄے بند کیتے ویسن جیندے نال 62 ارب روپے دی بچت تھیسی، بجلی نال چلݨ آلے غیر موثر پکھیاں تے وادھو ڈیوٹی لائی ویس جیندے نال 15ارب روپے دی بچت تھیسی۔ اے ڳالھ وفاقی کابینہ دے اجلاس توں بعد وزیر دفاع خواجہ محمد آصف پریس کانفرنس اچ آکھی۔ وفاقی وزیر ماحولیاتی تبدیلی سینیٹر شیری رحمن، وفاقی وزیر بجلی انجینئر خرم دستگیر، وفاقی وزیر اطلاعات و نشریات مریم اورنگزیب اتے وفاقی وزیر ہائوسنگ اینڈ ورکس مولانا عبدالواسع وی انہاں دے نال ہن۔ وزیر دفاع آکھیا جو توانائی دی بچت کیتے ساکوں اپݨی ریت بدلݨی ہوسی، توانائی کیتے قدرتی وسائل استعمال کرݨے ہوسن، وفاقی اداریاں اچ بجلی دے استعمال اچ 30 فیصد کمی کیتی ویسی، برقی آلات چلاوݨ توں پچھو تے ہٹݨا ہوسی جو وفاقی کابینہ پاور ڈویژن دی سفارش تے توانائی بچت پلان دی منظوری ݙتی اے، بجلی نال چلݨ آلے غیر موثر پکھے یکم جولائی دے بعد فیکٹریاں اچ نا ٻݨائے ویسن، پورے ملک اچ توانائی بچت سانڳے اصلاحات تھینداں پن، گیزرز اچ ایکونیکل بیفلز لازمی قرار ݙتے ڳن جو گیس دی بچت نال 92 ارب روپے بچسن، اسٹریٹ لائٹس 50 فیصد چلائیاں ویسن، موٹر سائیکلاں اچ سالانہ 3 ارب ڈالر دے ایندھن دی کھپت ڳھٹاوݨ کیتے بتدریج ای بائیکس متعارف کرائے ویسن اتے توانائی بچت سانڳے میڈیا مہم وی چلائی ویسی ڄݙاں جو پاݨی دی بچت تے وی توجہ ݙتی ویسی۔ انہاں آکھیے جو گھرو کم کرݨ بارے کمیٹی حتمی سفارشاں ݙیسی۔
