حکومت پاکستان اچ خوراک دی کمی نال نمٹنڑ اتے زچہ و بچہ دی چنگی ڈیکھ بھال سانگے ضروری اقدامات کریندی پئی اے، وزیر خارجہ دی ورلڈ فوڈ پروگرام دی خصوصی مشیر، اردن دی شہزادی سارہ زیدنال گالھ مہاڑ

اسلام آباد ۔ 29 نومبر (اے پی پی) وزیر خارجہ شاہ محمود قریشی آکھیے جو حکومت پاکستان اچ خوراک دی کمی نال نمٹنڑ اتے زچہ و بچہ دی چنگی ڈیکھ بھال سانگے ضروری اقدامات کریندی پئی اے۔ اے گالھ وزیر خارجہ شاہ محمود قریشی اسلام آباد اچ ورلڈ فوڈ پروگرام دی خصوصی مشیراتے اردن دی شہزادی سارہ زیدنال گالھ مہاڑاچ آکھی۔ وزیر خارجہ مخدوم شاہ محمود قریشی وزارت خارجہ آونڑ تے معزز مہمان دا خیرمقدم کیتے اتے ملاقات اچ ملک اچ غریب اتے کمزور طبقات دی خوراک اتے آبی تحفظ تے الوائے۔ انہاں ورلڈ فوڈ پروگرام دے تحت زچہ و بچہ دی متوازن خوراک بارے آگاہی اتے شعور ودھاونڑ دے عزم دی تعریف کیتی۔وزیر خارجہ آکھیے جو حکومت وزیر اعظم دے ویژن دے مطابق خوراک دی کمی اتے ملک اچ بالاں دی نشوونما اچ کمی دے مسلیاں نال نمٹنڑ دا عزم کیتاہوئے ۔ وزیر خارجہ شہزادی کوں تریمتیں کوں بااختیار بنڑاونڑ اتے غربت مکاونڑ کیتے ”احساس پروگرام“اتے ایندے اقدامات بارے ڈسایا۔ وزیر خارجہ دی دعوت تے پاکستان اچ ایں شعبہ اچ کم کرنڑٓلیاں ترائے نمائندہ تنظیماں دے وفد وی ملاقات اچ شرکت کیتی۔ورلڈ فوڈ پروگرام دی مشیر اتے اردن دی شہزادی سارہ زید زچہ و بچہ دی متوازن خوراک بارے حکومت پاکستان دے اقدامات دی تعریف کیتی۔

مضمون کا ماخذ : اسرار ریلز

متعلقہ مضامین