وفاقی وزیرداخلہ محسن نقوی دا جنوبی و شمالی وزیرستان اچ فتنہ الخوارج دے 12 دہشتگرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔20ستمبر(اے پی پی) وفاقی وزیرداخلہ محسن نقوی جنوبی و شمالی وزیرستان اچ فتنہ الخوارج دے 12 دہشتگرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ وزیر داخلہ محسن نقوی آپݨے بیان اچ جھڑپاں اچ شہید تھیوݨ آلے سکیورٹی فورسز دے 6 بہادر نینگراں کوں خراج عقیدت پیش کیتے تے شہداء دے خانداناں نال دلی ہمدردی تے تعزیت کیتی ۔ وزیر داخلہ آکھیے فتنہ الخوارج دے دہشتگرداں رات دے اندھارے اچ بزدلانہ حملہ کیتے، لیکن پاکستان دی سکیورٹی فورسز دے 6 جری جواناں وطن تے جان نچھاور کرتے خوارجی دہشتگرداں کوں عبرتناک انجام تئیں پڄائے ۔ وفاقی وزیرداخلہ محسن نقوی آکھیے خوارجی دہشتگرداں دے مذموم عزائم ناکام بݨاوݨ آلے سکیورٹی فورسز دے نینگراں کوں سلام پیش کریندوں ۔ انھاں مزید آکھیے شہداء اساں کیتے باعث افتخار تے ساݙے سِراں دے تاج ہن ، شہداء دیاں عظیم قربانیاں کوں بُھلا نی سڳدے۔ وفاقی وزیر داخلہ واضح کیتے جو فتنہ الخوارج دے دہشتگرداں دا سر کچلݨ سانڳے قوم دے پکے عزم کوں ہرایا نی ونڄ سڳدا ۔ وزیر داخلہ محسن نقوی یقین ݙیوائے جو شہداء دے خانداناں دے رلے کھڑوں تے انھاں دے ݙکھ اچ برابر دے شریک ہیسے ۔ انھاں مزید آکھیے قوم دہشتگردی دے ناسور نال نبݨݨ سانڳے سیکورٹی فورسز دے رلے کھڑی اے۔

مضمون کا ماخذ : como apostar na loteria

متعلقہ مضامین