اسلام آباد۔24اکتوبر(اے پی پی):نگراں وزیراعظم انوار الحق کاکڑ آکھیے جو پولیو سودھا معاشرے توں سارے منفی رویاں کوں مکاوݨ ترجیح اے، پولیو مکاوݨ دے قومی مقصد اچ سارے ہک مٹھ ہیں، پولیو ویکسین پلاوݨ کیتے ہر ہک ٻال تئیں پڄسوں۔ اے ڳآلھ انہان اسلام آباد اچ پولیو مکاوݨ دے عالمی ݙینھ سانڳے تھیوݨ آلی تقریب نال خطاب اچ آکھی۔ انہاں آکھیا جو پاکستان اچ ترقیاتی شراکت داراں نال رل تے انسداد پولیو اتے زچہ و بچہ دے علاج کیتے مؤثر اقدامات کیتے ویندے پن، پولیو مکاوݨ دی مہم سانڳے کئی پولیو ورکرز اتے سکیورٹی اہلکاراں فرائض نٻھاوݨ ویلھے اپݨیاں جاناں تئیں ݙتن ٻھل پولیو مکاوݨ دا عزم ݙھلا نا پوسی۔ تقریب اچ نگراں وفاقی وزیر اطلاعات و نشریات مرتضیٰ سولنگی اتے نگراں وفاقی وزیر صحت ڈاکٹر ندیم جان وی موجود ہن۔ نگران وزیراعظم آکھیا جو اڄ پاکستان اچ پولیو متاثرہ ٻالاں دی تعداد ڳھٹ تے صرف 4 رہ گئی اے، ڄیڑھے علاقیاں اچ پولیو کیسز سامݨے آندن اتھاں چنڳی غذاء، علاج دیان چنڳیاں سہولتاں اتے صفائی دی صورتحال بہتر کرݨ دی کوشش اے، پاکستان اچ پولیو پروگرام جاری رہسی۔ تقریب نال عالمی ادارہ صحت دے نمائندے ڈاکٹر پلیتھا ماہی پالا وی خطاب کتیے اتے پولیو مکاوݨ کیتے پاکستان دیاں عالمی ادارہ صحت ولوں مکمل تعاون دا یقین ݙیوایا۔ تقریب نال روٹری انٹرنیشنل اتے یونیسف دے نمائنداں وی خطاب کیتے۔ چھیکڑ تے وزیراعظم انسداد پولیو مہم اچ شہید تھیوݨ آلے پولیو ورکراں دے ورثا اتے زخمیاں دی خدمتاں منیندے تعریفی سنداں وی ونݙین۔
.jpg)
.jpg)
